საგამოძიებო სამსახურები თბილისის მერიის დაწესებულებებში შევიდნენ

თბილისის მერიის სისტემაში შემავალ შვიდ დაწესებულებაში საგამოძიებო სამსახურები შევიდნენ, ამის შესახებ განცხადებას დედაქალაქის მუნიციპალიტეტი ავრცელებს, რომელსაც უცვლელად გთავაზობთ:

 2012 წლის 27 ნოემბრის მდგომარეობით, საქართველოს ფინანსთა სამინისტროს საგამოძებო სამსახურში, შინაგან საქმეთა სამინისტროში და საქართველოს მთავარ პროკურატურაში მიმდინარეობს გამოძიება და ამ მოტივით საგამოძიებო სამსახურები დოკუმენტაციის ამოღებისა და ახსნა-განმარტების მიღების მიზნით, შესულები არიან ქალაქ თბილისის მერიის სისტემაში შემავალ შემდეგ დაწესებულებებში და მის მიერ დაფუძნებულ იურიდიულ პირებში:

1. ქალაქ თბილისის მერიის ადმინისტრაცია;

2. ქალაქ თბილისის მერიის კეთილმოწყობის საქალაქო სამსახური;

3. ქალაქ თბილისის მერიის მუნიციპალური შესყიდვების საქალაქო სამსახური;

4. სსიპ - ქ. თბილისის არქიტექტურის სამსახური;

5. ააიპ - ძველი ქალაქის რეაბილიტაციისა და განვითარების ფონდი;

6. ააიპ - თბილისის განვითარების ფონდი;

7. შპს „თბილსერვის ჯგუფი“;