ფოთის პორტის თანამშრომლები გაფიცვას აგრძელებენ. წარმოდგენილ მოთხოვნებთან დაკავშირებით მათ ნავსადგურის მენეჯმენტისგან წერილობითი პასუხი მიიღეს.
თანამშრომლების თქმით, არცერთი მათი მოთხოვნა წერილში საკმარისად ასახული არაა და ამიტომ საწარმოო რაიონების 100% კვლავ გააგრძელებს გაფიცვას.
„აქამდე პორტის 70% იყო გაჩერებული, მაგრამ ამ დროისთვის, ნამდვილად 100%-ითაა პარალიზებული. საბუქსირე სამსახური ჩვენთან ერთად დგას, ისინიც გაფიცულები არიან“, - განაცხადა საგაფიცვო კომიტეტის ერთ-ერთმა წევრმა, ელგუჯა ანდღულაძემ.