თურქეთის სასამართლომ 1997 წლის 28 თებერვლის სახელმწიფო გადატრიალების საქმის გამოძიებასთან დაკავშირებით 11 მოქმედი და გადამდგარი გენერალი დააკავა.
გავრცელებული ცნობით, დაკავებულ პირებს შორის ავიაციის მოქმედი მარშალი და ხუთი გენერალ-მაიორია. ისინი ქვეყანაში გასულ საუკუნეში მომხდარი გადატრიალების მომზადებასა და მონაწილეობაში არიან ეჭვმიტანილნი.
ე.წ ”28 თებერვლის” საქმესთან დაკავშირებით ამ ეტაპზე უკვე 30-ზე მეტი ადამიანია დაკავებული.
მიუხედავად იმისა, რომ სახელმწიფო გადატრიალებას სისხლისღვრა არ მოჰყოლია, პროკურატურის აზრით, მან ქვეყნის განვითარებას მნიშვნელოვანი ზიანი მიაყენა.
