16 მაისს ვენესუელას მიგრაციის სააგენტო განაცხადა, რომ ვენესუელას ეროვნული წარმოების ყოფილი მინისტრი და ქვეყნის ყოფილი ლიდერის, ნიკოლას მადუროს მოკავშირე, ალექს სააბი აშშ-ში იქნა დეპორტირებული.
ინფორმირებული წყაროები Reuters-ს უყვებიან, რომ სააბმა შესაძლოა აშშ-ს ხელისუფლებას მიაწოდოს ინფორმაცია, რომელიც მადუროს წინააღმდეგ მიმდინარე სისხლის სამართლის საქმეში ბრალდების მხარის გაძლიერებას დაეხმარება.
აშშ-ს სამართალდამცავი უწყების წარმომადგენლის თქმით, სააბი კარაკასში თებერვალში, აშშ-სა და ვენესუელის ხელისუფლების ერთობლივი ოპერაციის დროს, აშშ-ს სპეციალური ძალების მიერ მადუროს დაკავებიდან ერთი თვის შემდეგ, დააკავეს.
Reuters აღნიშნავს, რომ სააბის დაკავებამ და დეპორტაციამ მოქმედი პრეზიდენტის, დელსი როდრიგესის პირობებში, აშშ-სა და ვენესუელის სამართალდამცავ ორგანოებს შორის თანამშრომლობის ახალი დონე აჩვენა.
კოლუმბიაში დაბადებული 54 წლის სააბი 2020 წელს კაბო-ვერდეში დააკავეს და აშშ-ში ქრთამის აღების ბრალდებით ჰყავდათ პატიმრობაში. 2023 წელს ის ვენესუელაში დაკავებული ამერიკელების გათავისუფლების სანაცვლოდ შეიწყალეს და სამშობლოში დააბრუნეს. 2024-დან მადუროს დაკავებამდე ის მინისტრის პოზიციას იკავებდა.
