საქართველოს ენერგეტიკისა და წყალმომარაგების მარეგულირებელმა ეროვნულმა კომისიის ცნობით, საჯარო სხდომაზე თელასი სალიცენზიო პირობებისა და სემეკის სამართლებრივი აქტების მოთხოვნათა დარღვევის გამო დააჯარიმეს. კომპანიას დაავალეს 75 000 ლარის სახელმწიფო ბიუჯეტში გადახდა და პრობლემის აღმოსაფხვრელად ვადა განუსაზღვრეს.
სემეკის მიხედვით, დაჯარიმების საფუძველი თელასის მიერ მაღალი ძაბვის საკაბელო ელექტროგადამცემი ხაზისა და სატრანსფორმატორო ქვესადგურის მოწყობისას უსაფრთხოებისა და ექსპლუატაციის ნორმების დარღვევაა.
