სომხეთის პარლამენტის სპიკერის, ალენ სიმონიანის თქმით, ტრამპის მარშრუტის (TRIPP) პროექტში რუსეთის მონაწილეობა შეუძლებელია.
TRIPP აშშ-სა და სომხეთის რესპუბლიკის ერთობლივი შეთანხმებაა, რომლის მიზანიც სომხეთის სამხრეთ ნაწილში მარშრუტის შექმნაა. აღნიშნული მარშრუტი აზერბაიჯანს შეუფერხებელ კომერციულ წვდომას მიანიჭებს ნახიჩევანთან.
"რანაირად წარმოგიდგენიათ ეს? TRIPP სომხურ-ამერიკული ორგანიზაციაა" –ამბობს სიმონიანი მედიასთან საუბრისას.
მან ასევე განმარტა, რომ რუსეთს შეუძლია სხვა სავაჭრო დერეფნებზე კონცენტრირება.
"ეს ერთადერთი მარშრუტი არაა, რომელიც სომხეთზე გადის ან გაივლის. ბევრი ასეთი გზა არსებობს" – თქვა სიმონიანმა.
