ივანიშვილის დეპუტატმა, გია ვოლსკი განაცხადა, რომ ყოფილი პრემიერმინისტრის, ირაკლი ღარიბაშვილის დაკავება "გუნდისთვის ტრაგედიაა".
"ძალიან ძნელია. დიდი ხანია ეს პროცესი გრძელდება. ჩემი დამოკიდებულება პირადად ირაკლის, მისი ოჯახის მიმართ ყოველთვის იყო თბილი, მეგობრული. საქმიანი ურთიერთობა ძალიან ბევრი მქონია, ბევრი პოზიტიური განვითარება მახსოვს და რასაკვირველია, ჩემთვის ეს პირადი ტრაგედიაა და საერთოდ, გუნდისთვის ტრაგედიაა.
იგივე ბიძინა ივანიშვილისთვის ძალიან რთული წარმოსადგენი იყო, რომ ადამიანი, რომელიც ჩვენს გუნდში იყო, ყოველთვის მყარად იდგა თავის პოზიციაზე, გადადგამდა ისეთ ნაბიჯს, რომელიც იმ პრინციპებს უპირისპირდება, რითაც დაბრუნდა ბიძინა ივანიშვილი პოლიტიკაში. განაცხადა ამის თაობაზე, არაერთხელ გააფრთხილა ყველა.
და თუკი ეს დანაშაული არსებობს, მითუმეტეს მან აღიარა, მისასალმებელია აღიარება, მაგრამ თავად დანაშაული არის ძალიან მძიმე, სამართლებრივად არ ვიცი როგორ შეფასდება, მე არ ვარ პროკურორი, არც მოსამართლე, მაგრამ მორალურად საკმაოდ მძიმეა მოსასმენადაც და გასათავისებლადაც." - თქვა ვოლსკიმ ჟურნალისტებთან.
ცნობისთვის, დღეს პროკურატურამ გაავრცელა განცხადება რომლის მიხედვითაც, ღარიბაშვილთან საპროცესო შეთანხმება გააფორმეს და მას 5 წლით პატიმრობა განესაზღვრა.
ექსპრემიერს დამატებით სასჯელად დაეკისრა ჯარიმა 1 მილიონი ლარის ოდენობით, ჩამოერთვა დანაშაულებრივი საქმიანობის შედეგად მიღებული" და ჩხრეკისას ამოღებული თანხა.
