ბულგარეთის მთავრობის მიერ ინიცირებულ გადაწყვეტილებას, რომელიც 2026 წლის ბიუჯეტის პროექტს უკავშირდება და მოქალაქეებისთვის გადასახადების გაზრდას ითვალისწინებს, ქვეყანაში მასშტაბური საპროტესტო აქცია მოჰყვა.
1 დეკემბრის საღამოს დედაქალაქ სოფიაში ათასობით ადამიანი, ბულგარეთის მმართველი კონსერვატიული პარტია GERB-ის და მოძრაობა უფლებებისთვის და თავისუფლებისთვის (DPS) პარტიული ოფისების წინ შეიკრიბნენ - აქციის მონაწილეებმა ბულგარეთის მთავრობა კორუფციის ხელშეწყობაში დაადანაშაულეს და მისი გადადგომა მოითხოვეს.
როგორც ადგილობრივი მედიები წერენ, ქალაქის ცენტრში 1 დეკემბრის ღამეს 50 000-ზე მეტი ადამიანი იყო შეკრებული - პროტესტის კერები გაჩნდა, ასევე პლოვდივში, ვარნაში, ბურგასსა და ბლაგოევგრადში.
ცნობისთვის, პირველი დეკემბრის ღამის შემდეგ ბულგარეთის მმთავრობამ განაცხადა, რომ ბიუჯეტის პროექტს გაიწვევდა.
1-ელი დეკემბრის მშვიდობიანი აქცია ღამით არეულობაში გადაიზარდა - დემონსტრანტების ნაწილმა (შავტანსაცმლიანმა და ნიღბიანმა მამაკაცებმა) აალებადი და სხვა სახის საგნები ესროლეს პარტიულ ოფისებს და პოლიციელებს, დააზიანეს ზოგიერთი შენობა და სამართალდამცავების ავტომანქანები - პოლიციამ დემონსტრანტების წინააღმდეგ ცრემლსადენი გაზი გამოიყენა.
ბოლო მონაცემებით, საპროტესტო აქციაზე, ჯამში 70-ზე მეტი ადამიანი დააკავეს.
