სამხრეთ კორეის პროკურატურამ სეულის მერს ბრალი წაუყენა

სამხრეთ კორეის გენერალურმა პროკურორმა სეულის მერს, ო სე ჰუნს პოლიტიკური დაფინანსების კანონის დარღვევისთვის ბრალი წაუყენა.

პროკურატურის მიხედვით, ომ ერთ-ერთი კომპანიას საზოგადოებრივი გამოკითხვის ჩატარება შეუკვეთა, თანხა კი მესამე პირმა გადაიხადა, რითიც სამხრეთ კორეის კანონი დაარღვია. 

ო პატიმრობაში მყოფი ყოფილი პრეზიდენტის, იუნ სოკ იოლის ხალხის ძალის პარტიის წევრია. ის ბრალდებებს უარყოფს და აცხადებს, რომ გამოძიება პოლიტიკურად მოტივირებულია. ~

"ეს უსაფუძვლო, ხელოვნურად შექმნილი ბრალდებაა, რომელსაც არცერთი მტკიცებულება არ აქვს" – წერია მერის განცხადებაში.