უნგრეთის პრემიერმინისტრმა, ვიქტორ ორბანმა საკუთარ Facebook გვერდზე დაწერა, რომ ტრამპისა და პუტინის სამიტის მოსამზადებელი სამუშაოები გრძელდება, თუმცა "თარიღი ჯერ კიდევ გაურკვეველია".
"[უნგრეთის საგარეო საქმეთა მინისტრი პეტერ] სიარტო ვაშინგტონში იმყოფება. მშვიდობის სამიტის მოსამზადებელი სამუშაოები გრძელდება. თარიღი ჯერ კიდევ გაურკვეველია. როცა დრო მოვა, ჩვენ მას ჩავატარებთ" - დაწერა ორბანმა.
ცნობისთვის, გუშინ დასავლურ მედიაში გავრცელდა ცნობები, რომ აშშ-ს და რუსეთის პრეზიდენტების, დონალდ ტრამპისა და ვლადიმირ პუტინის შეხვედრა უახლოეს მომავალში აღარ იგეგმებოდა.
