13 სექტემბერს იემენელმა ჰუსიტებმა განაცხადეს, რომ ღამით ისრაელის მიმართულებით, კერძოდ თელ-ავივში, ბალისტიკური რაკეტა გაუშვეს, რომელიც კასეტური ქობინით იყო აღჭურვილი.
ჰუსიტების განცხადებით, მათ მიზანში "რამდენიმე მნიშვნელოვანი ობიექტი" ამოიღეს, თუმცა, ისრაელის თავდაცვის ძალების (IDF) ცნობით, რაკეტა წარმატებით ჩამოაგდეს.
IDF-მა კომენტარი არ გააკეთა ჰუსიტების განცხადებაზე, რომ რაკეტა კასეტური ქობინით იყო აღჭურვილი.
იერიშის შედეგად დაშავებულებისა თუ ზიანის შესახებ ინფორმაცია არ გავრცელებულა.
