აშშ-ს საიმიგრაციო და საბაჟო აღსრულების სამსახურმა (ICE) ჯორჯიის შტატში მდებარე ჰიუნდაის ქარხანაში მასშტაბური რეიდი ჩაატარა და 475 ადამიანი დააკავა. ინფორმაციას BBC ოპერაციაში მონაწილე ერთ-ერთ სააგენტოზე დაყრდნობით ავრცელებს.
აშშ-ს შიდა უსაფრთხოების დეპარტამენტმა BBC-სთან აღნიშნა, რომ აგენტებმა "უკანონო დასაქმების პრაქტიკისა და სხვა სერიოზული ფედერალური დანაშაულების" შესახებ ბრალდებების გამო ჩხრეკის ორდერი აღასრულეს.
"ეს უყო რეალურად ისტორიაში ყველაზე დიდი ერთ ადგილზე ჩატარებული საგამოძიებო ოპერაცია". - თქვა სპეციალურმა აგენტმა, სტივ შრანკმა.
ხელისუფლების თქმით, დაკავებულთა უმეტესობა სამხრეთ კორეის მოქალაქეები არიან.
სამხრეთ კორეის საგარეო საქმეთა სამინისტრომ დაკავებებთან დაკავშირებით შეშფოთება გამოთქვა და ობიექტზე დიპლომატები გაგზავნა. ამასთან, მთავრობამ სეულში აშშ-ს საელჩოს სამხრეთ კორეის მოქალაქეების უფლებების მიმართ სიფრთხილის გამოჩენისკენ მოუწოდა.
ქარხანა, რომელიც კორეულმა კომპანიამ ელექტრო ავტომობილების წარმოებისთვის ააშენა, ერთი წლის განმავლობაში ფუნქციონირებდა.
