მედიაში გავრცელებული ინფორმაციით, სამხრეთ კორეის პრეზიდენტმა, იუნ სოკ იოლმა აშშ-ის ახლად არჩეულ პრეზიდენტთან, დონალდ ტრამპთან შეხვედრისთვის გოლფში მომზადება დაიწყო. ინფორმაციას სამხრეთ კორეის პრეზიდენტის ოფისის წარმომადგენლები ადასტურებენ.
2019-ში, გენერალურ პროკურორად არჩევისას, იუნმა აღნიშნა, რომ გოლფი 2010 წლის შემდეგ თითქმის საერთოდ არ აქვს ნათამაშები. თუმცა, ცნობილია, რომ გოლფის თამაში ტრამპის ერთ-ერთი საყვარელი აქტივობაა და სამხრეთ კორეის პრეზიდენტის სურვილია, ურთიერთობა გააღრმავოს ამერიკის ახალ ადმინისტრაციასთან.
"ტრამპთან დაახლოებულმა ბევრმა ადამიანმა მითხრა, რომ ჩვენ ერთმანეთს კარგად შევეწყობით" – თქვა იუნმა პრესკონფერენციაზე, მას შემდეგ, რაც ტრამპს არჩევნებში გამარჯვება მიულოცა.
გოლფით დიპლომატიის წარმოების არაკონვენციური შემთხვევები წარსულშიც არსებობს. 2017-ში, ტრამპის პირველი ვადით პრეზიდენტად ინაუგირაციის შემდეგ იაპონიის ყოფილი პრემიერმინისტრი, შინზო აბე ტრამპს, ფლორიდაში მარ-ა-ლაგოს რეზიდენციაში ეწვია, სადაც მათ გოლფი ითამაშეს და ორი ქვეყნის ურთიერთობის გაძლიერებაზე ისაუბრეს.
ასევე, 2008 წელს, სამხრეთ კორეის პრეზიდენტი ი მიონგ ბაკი ყოფილ პრეზიდენტ ჯორჯ ბუშს ქემფ დეივიდში ესტუმრა, სადაც ორმა ლიდერმა გოლფი ერთად ითამაშეს.
აშშ-ის პრეზიდენტი, დონალდ ტრამპი და იაპონიის პრემიერმინისტრი, შინზო აბე ფლორიდაში, ტრამპის მარ-ა-ლაგოს რეზიდენციაში თამაშობენ გოლფს, 2017 წელი
აშშ-ის პრეზიდენტი, ჯორჯ ბუში და სამხრეთ კორეის პრეზიდენტი, ი მიონგ ბაკი აშშ-ში, ქემფ დეივის საპრეზიდენტო რეზიდენციაში, 2008 წელი
