ბელარუსის 21-წლამდელთა საფეხბურთო ნაკრები 2027 წლის ევროპის ჩემპიონატის საკვალიფიკაციო ეტაპის საშინაო თამაშებს გორში, თენგიზ ბურჯანაძის სახელობის სტადიონზე გამართავს.
UEFA-ს ოფიციალურ ვებგვერდზე ბელარუსის 21-წლამდელთა საფეხბურთო ნაკრების მომდევნო მატჩების საშინაო სტადიონად სწორედ თენგიზ ბურჯანაძეა მითითებული.
ბელარუსის ახალგაზრდული ნაკრები ევროპის ჩემპიონატის საკვალიფიკაციო ეტაპის მომდევნო საშინაო მატჩს 4 სექტემბერს ბელგიის, 8 სექტემბერს კი ავსტრიის წინააღმდეგ გამართავს.
რუსეთ-უკრაინის ომის დაწყების შემდეგ, უეფამ ბელარუსის საფეხბურთო ნაკრებებს საშინაო თამაშების ბელარუსის ტერიტორიაზე გამართვა აუკრძალა. საქართველომდე, ბელარუსის 21-წლამდელთა ნაკრები საშინაო მატჩებს სომხეთში ატარებდა.
