ყოფილი გენერალური პროკურორი, გაერთიანებული სამეფოს მიერ დასანქცირებული გიორგი გაბიტაშვილი სახელმწიფო აუდიტის სამსახურის გენერალურ აუდიტორად აირჩიეს. პლენარულ სხდომაზე მის კანდიდატურას მხარი ივანიშვილის 84-მა დეპუტატმა დაუჭირა, წინააღმდეგი კი არავინ იყო.
გაბიტაშვილი თანამდებობაზე 5 წლის ვადით აირჩიეს.
გაბიტაშვილი გენერალურ პროკურორად 2024 წლის ივლისში აირჩიეს, თანამდებობა კი 2025 წლის ივნისში დატოვა.
ყოფილი გენერალური აუდიტორი, ცოტნე ყავლაშვილი ივანიშვილის ფინანსთა მინისტრის, ლაშა ხუციშვილის მოადგილედ დაინიშნა.
