აშშ-ს პრეზიდენტმა, დონალდ ტრამპმა აშშ-ს ყოფილი პრეზიდენტის, ჯო ბაიდენის პროსტატის კიბოს დიაგნოზის შესახებ მწუხარება გამოხატა და გამოჯანმრთელება უსურვა.
ამის შესახებ ტრამპი Truth Social-ზე წერს.
"მელანია და მე დამწუხრებულები ვართ ჯო ბაიდენის სამედიცინო დიაგნოზის გაგებით. ჯილსა და ოჯახს თბილ და საუკეთესო სურვილებს, ხოლო ჯოს სწრაფად და წარმატებულად გამოჯანმრთელებას ვუსურვებთ". - წერს ტრამპი.
აშშ-ს ყოფილი პრეზიდენტის, ჯო ბაიდენის უწყების ინფორმაციით, გასულ კვირას ბაიდენს პროსტატის კიბოს "აგრესიული ფორმის" დიაგნოზი დაუსვეს.
განცხადების მიხედვით, 82 წლის ბაიდენს დიაგნოზი 16 მაისს დაუსვეს.
