წალენჯიხის მუნიციპალიტეტში ოჯახში რამდენიმე პირის მიერ ბავშვზე ძალადობის საქმეზე შსს-მ გამოძიება დაიწყო.
ფორმულას მიერ გავრცელებული ინფორმაციით, 7 წლის ბიჭის ოჯახის წევრები მოძალადეებად ბავშვის დედასა და ბებიას ასახელებენ.
გამოცემა წერს, რომ ბავშვი რამდენიმე დღის განმავლობაში საღორეში იყო ჩაკეტილი და სხეულზე მრავლობითი დაზიანებები აღენიშნება.
შსს-მ ტაბულასთან საუბრისას თქვა, რომ შემთხვევასთან დაკავშირებით გამოძიება 126-ე პრიმა მუხლის მეორე ნაწილის "ა" და "დ" ქვეპუნქტით მიმდინარეობს, რაც ოჯახში რამდენიმე პირთა ჯგუფის მიერ "წინასწარი შეცნობით ორსული ქალის, არასრულწლოვნის ან უმწეო მდგომარეობაში მყოფი პირის მიმართ" ძალადობას გულისხმობს.
შსს-მ დააზუსტა, რომ გამოძიება არასრულწლოვანის მიმართ ძალადობას ეხება.
