2 აპრილის ღამეს რუსეთში, ირკუტსკის ოლქში Ту-22М3-ის ტიპის სტრატეგიული ბომბდამშენი დაგეგმილი ფრენის დროს ჩამოვარდა.
თვითმფრინავის ერთ-ერთი პილოტი კატასტროფის შედეგად მოკვდა. ეკიპაჟის დანარჩენმა ოთხმა წევრმა კატაპულტირება მოასწრო.
როგორც რუსეთის თავდაცვის სამინისტრომ განაცხადა, ჩამოვარდნის მიზეზი ტექნიკური გაუმართაობა იყო.
ბომბდამშენი დაუსახლებელ ტერიტორიაზე ჩამოვარდა. როგორც რუსული სამთავრობო-პროპაგანდისტული მედია წერს, ჩამოვარდნის წინ პილოტებმა თვითმფრინავი დასახლებული ტერიტორიიდან გაიყვანეს.
Ту-22М-ის ტიპის სტრატეგიული ბომბდამშენი, რომელსაც ბირთული იარაღის გადატანაც შეუძლია, ირკუტსკის ოლქში 2024 წლის აგვისტოშიც ჩამოვარდა.
