რამზან კადიროვის მესამე შვილი, 17 წლის ადამ კადიროვი ჩეჩნეთის შინაგან საქმეთა სამინისტროს სამმართველოს კურატორი გახდა.
ადამ კადიროვის შსს-ს კურატორად დანიშვნის შესახებ ოფიციალურად 31 მარტს გამართულ თათბირზე განაცხადეს.
- კადიროვის 18 წლის შვილი ჩეჩნეთის ახალგაზრდულ საქმეთა მინისტრად დანიშნეს
- კადიროვმა 16 წლის შვილი პუტინის სახელობის "სპეცრაზმის უნივერსიტეტის" კურატორად დანიშნა
სამინისტროს ხელმძღვანელმა, ასლან ირასხანოვმა, აღნიშნა, რომ გადაწყვეტილება მიღებულ იქნა რამზან კადიროვის დავალებით.
ადამ კადიროვს 2023 წლის ოქტომბერში ჩეჩნეთის რესპუბლიკის გმირის წოდება მიენიჭა.
ახალი როლის ფარგლებში წარდგენის შემდეგ, სახელმწიფო ჯილდოების არაერთგზის მფლობელმა ჩეჩნეთის ლიდერის ვაჟმა პირადად გადასცა მედლები რვა "გამორჩეულ თანამშრომელს", რომლებიც დაჯილდოვდნენ ჩეჩნეთის რესპუბლიკის უმაღლესი – "ჩეჩნეთის რესპუბლიკის გმირის" წოდებით.
