16 მარტს, ჩრდილოეთ მაკედონიის ერთ-ერთ ღამის კლუბში კონცერტის დროს გაჩენილი ხანძრის შედეგად 50-ზე მეტი ადამიანი დაიღუპა.
ჩრდილოეთ მაკედონიის შინაგან საქმეთა სამინისტროს მონაცემებით, ქალაქ კოჩანში, ღამის კლუბ Pulse-ში გაჩენილი მასშტაბური ხანძრის შედეგად, სულ მცირე 51 ადამიანი დაიღუპა, ხოლო 100-ზე მეტი დაშავდა.
ტრაგედია კვირას დილით, დაახლოებით, ადგილობრივი დროით, 3:00 საათზე, ჰიპ-ჰოპ დუეტ ADN-ის გამოსვლის დროს მოხდა.
კონცერტის მიმდინარეობისას გაჩენილი ხანძრის დროს კლუბში 1500-ზე მეტი ადამიანი იმყოფებოდა.
ადგილობრივი მედიის ცნობით, ხანძრის გამომწვევი მიზეზი, სავარაუდოდ, პიროტექნიკური მოწყობილობების გამოყენება გახდა. ხანძარი, რომელიც სცენიდან დაიწყო, სწრაფად გავრცელდა, რის გამოც მისი სწრაფად ჩაქრობა ვერ მოხერხდა.
