აქციების დროს დაკავებული არჩილ მუსელიანცის თქმით, დარღვეულია მისი თავდაცვის უფლება. მუსელიანცი სასამართლო სხდომაზე სიტყვით გამოსვლისას ამბობს, რომ მისი ყოველი ეტაპირების დროს ხდება მისი გაშიშვლება და შსს-ს წარმომადგენლები გვამკევინებენ ბუქნებს.
"მე არ მეძლევა სრულფასოვანი თავდაცვის უფლება [...] სასამართლოში და სასამართლოდან ყოველი ეტაპირების დროს ხდება ჩემი სრულიად გაშიშვლება და სრულიად შიშველ მდგომარეობაში მაკეთებინებენ ბუქნებს". - თქვა დაკავებულმა.
არჩილ მუსელიანცი 2024 წლის 30 ნოემბერს მიმდინარე აქციების დროს დააკავეს. თავდაპირველად ის ადმინისტრაციული მუხლით იყო დაკავებული, თუმცა შემდეგში, აღნიშნული მუხლი სისხლის სამართლის კოდექსის 187-ე მუხლის მეორე ნაწილით გადაუკვალიფიცირდა, რაც სხვისი ნივთის განზრახ დაზიანებას და განადგურებას გულისხმობს.
ბრალის დამტკიცების შემთხვევაში არჩილ მუსელიანცს 3-დან 6 წლამდე თავისუფლების აღკვეთა ემუქრება.
