პოლტავის ოლქში უკრაინის უსაფრთხოების სამსახურის (СБУ) კონტრდაზვერვამ და გამომძიებლებმა პოლტავის ოლქის საბჭოს დეპუტატი მკვლელობის შეკვეთის ბრალდებით დააკავეს.
ბრალდების თანახმად, დეპუტატმა ადგილობრივი ფერმერისა და საზოგადო მოღვაწის მკვლელობა შეუკვეთა, რათა მისი ბიზნესი მიესაკუთრებინა.
"გამოძიების მონაცემებით, ბრალდებულმა გადაწყვიტა, თავიდან მოეცილებინა, რათა მისი ბიზნესი მიესაკუთრებინა. ამისთვის მან შემსრულებლები იპოვა და მათ 20 000 დოლარი და საწარმოს აქტივების მომავალ შემოსავალში წილი შესთავაზა. ჩამოხრჩობის გზით მსხვერპლის თვითმკვლელობის დადგმა იგეგმებოდა". - იტყობინება СБУ.
უწყება ბრალდებული დეპუტატის ვინაობას არ ასახელებს. გამოცემა Українська правда თავის წყაროზე დაყრდნობით წერს, რომ დაკავებული დეპუტატი ოლეგ დიადიკია.
СБУ-ს მიხედვით, ბრალდებული მკვლელობას ადგილობრივ მიტოვებულ ქარხანაში გეგმავდა, სადაც მსხვერპლი მოტყუებით, საქმიანი საკითხების განსახილველად მიიწვია.
უწყება იტყობინება, რომ შეხვედრის დროს დაქირავებულ მკვლელს ფერმერი უნდა თოკით დაეხრჩო, შემდეგ კი ისე წარმოეჩინა, თითქოს მსხვერპლმა თავი ჩამოიხრჩო.
СБУ-ს გამომძიებლებმა გეგმაზე ეჭვის შესახებ ფერმერსა და მის მძღოლს წინასწარ შეატყობინებს.
ჩხრეკის დროს სამართალდამცავებმა მკვლელობისთვის მომზადების მტკიცებულებები ამოიღეს, კერძოდ დოკუმენტები, ჩანაწერები, ფული და დანაშაულის ჩადენის საშუალება.
