რეჟიმის სასამართლომ, აქციების დროს დაკავებული 18 წლის საბა ჯიქია პატიმრობაში დატოვა.
დაცვის მხარემ დღევანდელ სხდომაზე აღკვეთის ღონისძიების გადასინჯვის შუამდგომლობა დააყენა და სასამართლოს მის 5 000-ლარიანი გირაოს სანაცვლოდ გათავისუფლება შესთავაზა, თუმცა მოსამართლე ლელა კალიჩენკომ შუამდგომლობა არ დააკმაყოფილა და ჯიქია პატიმრობაში დატოვა.
საბა ჯიქია ბრალს არ აღიარებს. საქმე არსებითად განსახილველად სასამართლოს გადაეცა, სხდომა 11 თებერვალს 14:00 საათზე გაიმართება.
18 წლის საბა ჯიქია 5 დეკემბერს დააკვეს. მას რეჟიმი პოლიციელზე თავდასხმას ედავება, ბრალის დამტკიცების შემთხვევაში ჯიქიას 7-წლამდე პატიმრობა ემუქრება.
