რუსეთის მტკიცებით, უკრაინამ რუსეთში ენერგეტიკულ ინფრასტრუქტურაზე დრონებით მასიური იერიში მიიტანა.
სმოლენსკის რეგიონის გუბერნატორის თქმით, ჰაერსაწინააღმდეგო სისტემებმა გაანადგურეს დრონი, რომლის დანიშნულებაც ატომური ელექტროსადგური იყო.
რუსეთის თავდაცვის სამინისტროს მიხედვით, რუსეთის დასავლეთ ნაწილში უკრაინელებმა 104 დრონი გაისროლეს. ჯამში, რუსეთის ანტისაჰაერო სისტემებმა დრონები ცხრა რეგიონში გაანადგურეს, აქედან თითქმის ნახევარი კურსკის ოლქში.
