თბილისის მერი, კახა კალაძე აცხადებს, რომ მერიაში დაწყებული რეორგანიზაციის ფარგლებში კიდევ ბევრ თანამშრომელს გაათავისუფლებენ.
კალაძის თქმით, ადამიანებს პოლიტიკური შეხედულებების გამო არ უშვებენ.
"ჩვეულებრივი სისულელეა, რომ თანამშრომლებს პოლიტიკური ნიშნით ვუშვებთ. ჩვენ დედაქალაქის მერიაში რეორგანიზაცია გვაქვს დაწყებული და კიდევ ბევრი ადამიანი გათავისუფლდება, ვინც გასათავისუფლებელია და თავის უფლება- მოვალეობას ვერ ასრულებს.
ასევე, ზოგიერთ თანამშრომელს დაუმთავრდა ხელშეკრულება. ხელმძღვანელმა პირებმა მიიღეს გადაწყვეტილება - როდესაც შენს თანამშრომელს ხელშეკრულების ვადა ეწურება, შენ იღებ გადაწყვეტილებას, გჭირდება თუ არა, ან ასრულებს თუ არა სამსახურებრივ მოვალეობას შესაბამის დონეზე, რომელიც შენ და შენს სამსახურს აკმაყოფილებს.
ბევრი მაგალითი შემიძლია მოგიყვანოთ იმ ადამიანების, რომლებსაც ჰქონდათ და
ახლაც აქვთ განსხვავებული პოლიტიკური შეხედულება, ასევე, ხელი მოაწერეს
პეტიციას, თუმცა, ისინი ჩვეულებრივ აგრძელებენ თბილისის მერიაში მუშაობას", - ამბობს კალაძე.
- საპროტესტო აქციების მონაწილე მერიის თანამშრომელი კალაძემ სამსახურიდან გაათავისუფლა
- თბილისის მერია განცხადებაზე ხელმომწერმა ერთ-ერთმა თანამშრომელმა დატოვა
- კალაძემ თბილისის მულტიფუნქციური ბიბლიოთეკების გაერთიანების დირექტორს გადადგომა მოსთხოვა
- ვემიჯნებით EU-ს წევრობის პროცესის შეჩერებას – თბილისის მერიის თანამშრომლების განცხადება
