თბილისში, საახალწლო სოფელი 21 დეკემბერს გაიხსნება - კალაძე

თბილისში, საახალწლო სოფელი 21 დეკემბერს გაიხსნება. ამის შესახებ დედაქალაქის მერმა, კახა კალაძემ განაცხადა.

"21 დეკემბრიდან თბილისის მოსახლეობას საახალწლო სოფელში სტუმრობის შესაძლებლობა ექნება. ყველაფერს ვაკეთებთ იმისთვის, რომ საახალწლო განწყობა შევქმნათ [...] ჩვენ საზოგადოებას პოლიტიკური ნიშნით არ ვყოფთ და ეს ყველაფერი ყველასთვის კეთდება. ყველას მოგიწოდებთ, საახალწლო სოფელში მობრძანდეთ, რომელიც 21 დეკემბრიდან უკვე გახსნილი იქნება". - თქვა კალაძემ თბილისის მუნიციპალიტეტის მთავრობის სხდომაზე.

კალაძის თქმით, საახალწლო სოფელი 7 იანვრის ჩათვლით იფუნქციონირებს.

საახალწლო სოფელი ორბელიანის მოედანსა და მის მიმდებარე ქუჩებზე, მშრალ ხიდზე, დედაენის ბაღსა და იუსტიციის სახლის ავტოსადგომზე მოეწყობა.