ბოლო 24 საათში ბალტიის ზღვაში კიდევ ერთი წყალქვეშა კაბელი დაზიანდა. კაბელი ლიტვიდან შვედეთამდე იყო გაყვანილი.
ინფორმაცია ლიტვის სატელეკომუნიკაციო კომპანია Telia-ს დირექტორმა, ანდრიუს შემეშკივიაჩიუსმა დაადასტურა.
"ლიტვასა და შვედეთს შორის გაჭიმული კაბელი კვირას, დაახლოებით 10:00 საათზე დაზიანდა. სისტემებმა მალევე შეგვატყობინეს რომ კავშირი დაკარგულია. ჩავატარეთ გამოძიება და გაირკვა, რომ კაბელი დაზიანებულია". – თქვა შემეშკივიაჩიუსმა.
Telia-ს წარმომადგენელმა განმარტა, რომ კაბელი ლიტვის გავლით ინტერნეტს გადასცემს. ინციდენტის შემდეგ ინტერნეტის გამტარიანობა 3-ჯერ შემცირდა.
გარდა ამისა, 18 ნოემბერს, ფინეთმა წყალქვეშა კაბელის დაზიანების შესახებ განაცხადა.
სატელეკომუნიკაციო წყალქვეშა კაბელი C-Lion 1, რომელიც ბალტიის ზღვის გავლით ფინეთიდან გერმანიამდე არის გაყვანილი დაზიანდა. კაბელი Nord Stream-ის პარალელურ გზაზე იყო გადებული.
ამ დროისთვის უცნობია კონკრეტულად რა მოუვიდა კაბელს. წყვეტის ადგილას გაგზავნილი სარემონტო გემი. სავარაუდოდ დაზიანება დიდად არ გააუარესებს ფინეთის საკომუნიკაციო მომსახურების სფეროს.
