ბრიტანეთის თავდაცვის შტაბის ხელმძღვანელის, ადმირალ ტონი რადაკინის ინფორმაციით, ომის დაწყების დღიდან, მიმდინარე წლის ოქტომბრის თვე რუსეთისთვის სამხედრო დანაკარგის მხრივ ყველაზე მძიმე აღმოჩნდა.
BBC-თან მიცემულ ინტერვიუში რადაკინმა თქვა, რომ რუსეთის არმიაში ყოველდღიურად, დაახლოებით, 1500-მდე ადამიანი იღუპებოდა ან იღებდა ჭრილობებს.
"უკრაინაში შეჭრისთვის რუსეთი უზარმაზარ ფასს იხდის"- თქვა ადმირალმა.
კრემლი უკრაინის ომში დანაკარგების რიცხვებს არ ასაჯაროებს. სექტემბერში Wall Street Journal-მა დაწერა, რომ კონფლიქტის დაწყების შემდეგ ორივე მხარეს მილიონზე მეტი ადამიანი დაშავდა ან დაიღუპა. აშშ-ს ოფიციალურმა პირებმა გასულ თვეში თქვეს, რომ რუსეთის მხრიდან დაიღუპა ან დაიჭრა 600 000-ზე მეტი ადამიანი.
