ისრაელის თავდაცვის ძალებმა (IDF) 20 სექტემბერს ლიბანის დედაქალაქ ბეირუთში სამიზნე ობიექტზე იერიში მიიტანეს. როგორც ისრაელის თავდაცვის ძალების განცხადებაშია ნათქვამი, IDF-მ ლიბანის დედაქალაქზე "მიზანმიმართული დარტყმა მიიტანა".
Times of Israel-ის თანახმად, ლიბანის ჰეზბოლასთან დაახლოებული წყაროს ცნობით, ბეირუთზე ისრაელის თავდასხმის შედეგად ჰეზბოლას ტერორისტული ორგანიზაციის ელიტარული რადვანის ქვედანაყოფის უფროსი მეთაური - იბრაჰიმ აქილი დაიღუპა.
"ისრაელის საჰაერო იერიშის შედეგად დაიღუპა ჰეზბოლას შეიარაღებული ძალების ფუად შუქრის შემდეგ (რომელიც ასევე ისრაელის იერიშის შედეგად დაღუპული) მეორე მეთაური, იბრაჰიმ აქილი". - ამბობს ანონიმური წყარო.
