6 სექტემბრის ღამეს, რუსეთმა უკრაინაზე 44 უპილოტო საფრენი აპარატით და 2 რაკეტით იერიში მიიტანა.
უკრაინის საჰაერო ძალებმა მტრის 27 დრონი გაანადგურა.
"8:00 საათის მონაცემებით საჰაერო თავდაცვის ძალებმა 27 უპილოტო საფრენი აპარატი გაანადგურა. 8 დრონი დაიკარგა, ხოლო ერთი ოკუპირებულ დონეცკში დაბრუნდა. საბრძოლო მოქმედებები გრძელდება". - წერია საჰაერო ძალების ანგარიშში.
რაკეტები რუსეთმა ოკუპირებული ლუგანსკიდან და ბრიანსკის ოლქიდან გაისროლეს, ხოლო დრონები კურსკიდან, ოკუპირებული ყირიმიდან და პრიმორსკო-ახტარსკის ოლქიდან ააფრინეს.
დრონის ნამსხვრევები ლვოვში ჩამოვარდა, შედეგად გაჩნდა ხანძარი, რომელიც უკვე ლიკვიდირებულია. არავინ დაშავებულა.
რუსეთი უკრაინას ავიაციითა და არტილერიით ყოველდღიურად ბომბავს.
