ბათუმი-თბილისის სამგზავრო მატარებელი დიდუბე-ავჭალის მონაკვეთზე სამუშაო პლატფორმას დაეჯახა, რის შედეგადაც შსს-ს ინფორმაციით, ორი ადამიანი (საქართველოს რკინიგზის თანამშრომლები) გარდაიცვალა.
საქართველოს რკინიგზამ განცხადება გამოაქვეყნა, საიდანაც ვგებულობთ, რომ მგზავრებს შორის დაშავებულები არ არიან.
"დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გაჩერებულია ბათუმი-თბილისის მიმართულებით მოძრავი მატარებელი, რომლის მგზავრები არ დაშავებულან.
მომხდარის შესახებ მიმდინარეობს დეტალური მოკვლევა, ხოლო შემთხვევის ადგილზე საგამოძიებო პროცედურები, რის შემდეგაც განხორციელდება ბათუმი-თბილისის მატარებლის ტრანსპორტირება თბილისი ცენტრალის მიმართულებით.
საქართველოს რკინიგზა ღრმა მწუხარებას გამოთქვამს მომხდარი ფაქტის გამო და უსამძიმრებს თანამშრომლებსა და გარდაცვლილთა ოჯახებს". - წერია განცხადებაში.
მომხდართან დაკავშირებით გამოძიება მიმდინარეობს.
![ბრენდი გამაღდეს [GAMARDE] ფრანგი სპეციალისტების პრეზენტაცია PSP-ს თანამშრომლებისა და ინფლუენსერებისთვის (რ)](https://api.tabula.ge/files/styles/news_thumb_md/public/photos/2025/05/800x450px.png.jpg?itok=_e-TqBjq)