გახარია: ბევრს ვიმუშავებ, რომ ლელო განაცებისგან გადავარჩინო

ჩემთვის ძალიან დიდი მნიშვნელობა აქვს, არანაცური და არაოცნებური ძალები როგორ იქნებიან წარმოდგენილი პარლამენტში. ამას აქვს ჩემთვის ძალიან დიდი მნიშვნელობა და მერწმუნეთ, რომ ბევრი მიმუშავია და კიდევ ბევრს ვიმუშავებ იმისთვის, რომ, როგორმე, ლელო განაცებისგან გადავარჩინოთ. მე ამას არც ვმალავ. ყოველთვის ვამბობდი, რომ ეს ჩემთვის საინტერესოა. მე ვიღაცის ლამაზი თვალები კი არ მომწონს, მე მაქვს ჩვეულებრივი პრაგმატული პოლიტიკური ინტერესი. ეს პოლიტიკური ინტერესი მდგომარეობს იმაში, რომ რაც შეიძლება ნაკლები იყოს წარმომადგენელი ამ ორი რადიკალური პარტიიდან, ნაციონალური მოძრაობიდან და ოცნებიდან.