ვინიკოვი რუსულ კანონზე: NATO კანონს ევროატლანტიკურ მისწრაფებებთან შეუთავსებლად მიიჩნევს

ბოლოს განვითარებული მოვლენები საქართველოში ძლიერ შეშფოთებას იწვევს, როგორც NATO-ს შტაბბინაში, ასევე მოკავშირე ქვეყნების დედაქალაქებში, განსაკუთრებით, ე.წ. უცხოური გავლენის გამჭვირვალობის შესახებ კანონის მიღების შემდეგ. ჩვენ გვჯერა, რომ ეს კანონი საქართველოსთვის არის არასწორი მიმართულებით გადადგმული ნაბიჯი. ჩვენ მას საქართველოს ევროატლანტიკურ მისწრაფებებთან შეუთავსებლად მივიჩნევთ და შესაბამისად, ვიმედოვნებთ, რომ საქართველოს ხელისუფლება კურსს შეცვლის. როგორც ცოტა ხნის წინ [NATO-ს] გენერალურმა მდივანმა თქვა, მნიშვნელოვანია, რომ ქართველი ხალხის მისწრაფებები, იცხოვრონ დემოკრატიულ საზოგადოებაში, შესრულდეს. ამიტომ ჩვენ ვაგრძელებთ საქართველოსთან გამორჩეულად ახლო პარტნიორობის დაფასებას და საქართველოს ევროატლანტიკური მისწრაფებების მხარდაჭერას, მაგრამ ჩვენ ასევე ვიმედოვნებთ, რომ საქართველო ისევ აღადგენს დემოკრატიული რეგორმების გზას და არა დაასუსტებს, არამედ უფრო გააძლიერებს დემოკრატიას.