7 ივნისის ღამეს, რუსმა ოკუპანტებმა უკრაინის ინფრასტრუქტურაზე, 5 ფრთოსანი რაკეტითა და 53 უპილოტო საფრენი აპარატით საჰაერო იერიში მიიტანეს.
უკრაინის შეიარაღებული ძალების ცნობით, განადგურებულია 5-ვე რაკეტა და 48 დრონი.
"საჰაერო ბრძოლის შედეგად, დნეპროპეტროვსკის, კიევის, ზაპოროჟიეს, კიროვგრადის, ნიკოლაევის, ხერსონის, ოდესის, ხარკოვის ოლქებში ჩამოგდებულია 48 შაჰედის ტიპის უპილოტო საფრენი აპარატი და 5 ერთეული X101/X-555 ტიპის ფრთოსანი რაკეტა". – წერია შეიარაღებული ძალების ანგარიშში.
კიევის ოლქში რუსული იერიშის შედეგად ერთ-ერთ სამრეწველო საწარმოს ტერიტორიაზე ცეცხლი გაჩნდა. ხანძარი ამ დროისთვის ლიკვიდირებულია, დაშავებულთა შესახებ ცნობები არ არის.
რუსეთი უკრაინას ყოველდღიურად ავიაციითა და არტილერიით ბომბავს.
