ქართული ოცნება ოფიციალურად მოექცა სრულ საერთაშორისო იზოლაციაში. აშშ-ის სახელმწიფო მდივნის მიერ დაწესებული სანქციები ქართველი ხალხის დასაცავად ამუშავდება, თუმცა, რაც ყველაზე მნიშვნელოვანია, ჩვენი ყველაზე ძლიერი და ერთგული პარტნიორი, აშშ-საქართველოს ორმხრივი თანამშრომლობის გადახედვას იწყებს და თუ ოცნების რუსული ხელისუფლების გამო, ეს პროცესი ასე გაგრძელდა, საქართველო მილიარდობით დოლარის დახმარებას დაკარგავს.
მინდა, ყველა დიპლომატს ხელახლა და კიდევ ერთხელ მოვუწოდო - დაუყოვნებლივ გადადგით ერთადერთი ღირსეული ნაბიჯი, რაც არის რუსეთის მსახური ხელისუფლების მხილება და ქვეყნის გადარჩენა. გააჩერეთ რუსული კანონი.
