იგოეთთან მანქანა გზის სავალი ნაწილიდან ხევში გადავარდა. შემთხვევის შედეგად 5 ადამიანი დაშავდა. ისინი კლინიკაში არიან გადაყვანილი.
შინაგან საქმეთა სამინისტროში ტაბულას უთხრეს, რომ გამოძიება დაიწყო სისხლის სამართლის კოდექსის 276-ე მუხლის მე-2 ნაწილით, რაც გულისხმობს ტრანსპორტის მოძრაობის ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.