ევროპული კომისიის პრეზიდენტმა ურსულა ფონ დერ ლაიენმა თქვა, რომ ღაზის სექტორისთვის ჰუმანიტარული დახმარების მისაწოდებლად საზღვაო დერეფანი რამდენიმე დღეში ამოქმედდება. საზღვაო დერეფნის გავლით ჰუმანიტარული დახმარება ღაზაში კვიპროსიდან ჩავა.
ფონ დერ ლაიენის თქმით, ამჟამად საპილოტე ტესტებს ახორციელებენ და იკვლევენ საზღვაო დერეფნის უსაფრთხოებას. ჰუმანიტარული ტვირთის პირველი ნაწილი არაბთა გაერთიანებული საამიროების და საქველმოქმედო ორგანიზაციის World Central Kitchen-ის მიერაა შეგროვებული და სატესტო გასვლა შესაძლოა 8 მარტს ლარნაკადან დაიწყოს. ურსულა ფონ დერ ლაიენის ცნობით, საზღვაო დერეფნის ინიციატორები ევროკავშირი, აშშ და არაბთა გაერთიანებული საამიროები არიან.
"ჩვენ ძალიან ახლოს ვართ საზღვაო დერეფნის გახსნასთან. ვიმედოვნებ, ამ შაბათ-კვირას გაიხსნება და მიხარია, რომ საწყის საპილოტე მარშრუტს დღეს გავუშვებთ" - თქვა ურსულა ფონ დერ ლაიენმა.
