ვინც მისი გუნდის წევრები ვართ, მიშასგან საყვედური ყველას გვეკუთვნის. ის რომ საპატიმროშია, ეს ჩვენი ძალიან დიდი მინუსია. მე მრცხვენია, რომ დღეს მიხეილ სააკაშვილი კვლავ საპყრობილეშია. რა თქმა უნდა, მისი სტატუსი მოქმედებისკენ მოწოდებაა.
მიშა საქართველოში იმისთვის ჩამოვიდა, რომ ჩვენი ქვეყანა ამ მოღალატეობრივი, რუსული რეჟიმისგან გათავისუფლდეს, რომელიც ცდილობს, 2 სკამზე იჯდეს. რიტორიკულად 2 სკამზე ჯდომას გვთავაზობენ, რეალურად კი რუსეთისკენ მივყავართ. აქედან გამომდინარე, მიხეილ სააკაშვილის პატიმრობა მთელი ქართული საზოგადოებისა და ჩვენი სახელმწიფოს შეურაცხყოფაა.
