მერიის ცნობით, 28 დეკემბერს ძლიერმა ქარმა თბილისის სხვადასხვა რაიონში გარკვეული პრობლემები შექმნა. კერძოდ, რამდენიმე ადგილზე წაიქცა ხეები, დაიმტვრა ხის ტოტები, რამდენიმე კერძო სახლს კი სახურავი გადახადა. ასევე, დაზიანდა ქალაქის ინფრასტრუქტურის ნაწილი, მათ შორის, საახალწლო მორთულობები. მერიის ინფორმაციით, წაქცეული ხეები რამდენიმე მანქანას დაეცა და დააზიანა.
მერიაში ამბობენ, რომ ქარმა პრობლემები განსაკუთრებით გლდანის რაიონში შექმნა. მათი თქმით, მერიისა და საგანგებო სიტუაციების მართვის სამსახურის თანამშრომლები საგანგებო რეჟიმში მუშაობენ.
მერია მოსახლეობას მოუწოდებს, რომ უამინდობისგან შექმნილი პრობლემის არსებობის შემთხვევაში, ცხელი ხაზის ნომერზე, 2 72 22 22-ზე დარეკონ.
