სამართალდამცველებმა ძალადობის ფაქტებზე ახალციხეში შსს-ს დაცვის პოლიციის დეპარტამენტის ინსპექტორი დააკავეს. სპეციალური საგამოძიებო სამსახურის ცნობით, დაკავებული მიმდინარე წლის ნოემბრის თვეში ჩადენილ სამ ძალადობრივ ეპიზოდში ამხილეს.
"გამოძიებით დადგინდა, რომ 2023 წლის 17 ნოემბერს, ახალციხეში, კოსტავას ქუჩაზე, ურთიერთშელაპარაკების ნიადაგზე, დაცვის პოლიციის ინსპექტორმა ჰ.ს.-მ ფიზიკური შეურაცხყოფა მიაყენა მოქალაქე მ.მ.-ს.
2023 წლის 19 ნოემბერს, სამართალდამცავმა ახალციხის რაიონში საკუთარი საცხოვრებელი სახლის მიმდებარე ტერიტორიაზე, ურთიერთშელაპარაკების ნიადაგზე, დაზარალებული მოქალაქის შვილს და მის მეგობარს ფიზიკური შეურაცხყოფა მიაყენა.
2023 წლის 27 ნოემბერს, ახალციხის რაიონში, დაცვის პოლიციის ინსპექტორი დაზარალებულ მ.მ.-ს კვლავ შეხვდა და განმეორებით სცემა, ხელი სახის არეში რამდენჯერმე დაარტყა და ორივე ხელი ყელის არეში ძლიერად მოუჭირა.
სპეციალურმა საგამოძიებო სამსახურმა, დაზარალებული მოქალაქის საჩივრის საფუძველზე, დანაშაულის ამსახველი ვიდეოკამერის ჩანაწერები გამოითხოვა; დანიშნა სასამართლო-სამედიცინო ექსპერტიზა, რომლის დასკვნის მიხედვით ერთ-ერთ დაზარალებულს სხეულზე სისხლნაჟღენთები და ნაჭდევები აღენიშნებოდა" - აცხადებს საგამოძიებო სამსახური.
მუხლი 2 წლამდე თავისუფლების აღკვეთას ითვალისწინებს.
