ზარქუა: ივანიშვილი აქცენტირებულია საქართველოს განვითარებასა და მშვიდობის შენარჩუნებაზე

სულ ცოტა ხანი, რამდენიმე კვირა უნდა მოვითმინოთ და გავიგებთ, ეს ვინ შეუკვეთა [...] ბატონი ბიძინა ივანიშვილი არის ჩვენი ქვეყნის ერთ-ერთი ყველაზე დიდი მხარდამჭერი. ადამიანი, რომელიც აქცენტირებულია საქართველოს განვითარებასა და მშვიდობის შენარჩუნებაზე [...] წლებია, ეს ადამიანი პოლიტიკიდან გასულია. არაფორმალური მმართველი უნდა იპოვოთ, მაგალითად, დავით კეზერაშვილში [...] ხელი დაადეთ ჟურნალს, დავაფინანსებ და თქვენზე ისეთ სტატიას გამოვაცხობ, შეიძლება, თავად დაიჯეროთ.

თქვა ქართული ოცნების დეპუტატმა, ირაკლი ზარქუამ POLITICO-ს მიერ გამოქვეყნებული გავლენიანი ადამიანების სიასთან დაკავშირებით, ჟურნალისტებთან საუბარში.

გამოცემის სიაში კატეგორიაში ამრევები მე-8 ადგილს ბიძინა ივანიშვილი იკავებს. POLITICO ივანიშვილის ოლიგარქად მოიხსენიებს და აღნიშნავს, რომ მისი მიზანი საქართველოს ევროკავშირისგან დაშორება და კრემლთან დაახლოებაა.