კობახიძე: თითქმის არ მახსენდება ქალი დეპუტატი ოპოზიციიდან, რომელიც რეგულარულად არ უზრდელობს

ყველაფერი, ყოველ ჯერზე დაიწყო ამ ქალი დეპუტატების უზრდელობით. [...] თითქმის არ მახსენდება ქალი დეპუტატი ოპოზიციიდან, რომელიც რეგულარულად არ უზრდელობს, ალბათ, არის ერთი ან ორი ასეთი, მაგრამ უმეტესობა ქალი დეპუტატებიდან, უბრალოდ, რეგულარულად უზრდელობს, რაც არის ძალიან მძიმე მოვლენა. ისინი ახდენენ ყველაფრის დისკრედიტაციას, პოლიტიკაში ქალის როლის დისკრედიტაციას. ამიტომ, ჩემი თხოვნაა, რომ ნუ იქნება ცალმხრივი შეფასებები , სრულად შეაფასოთ ხოლმე ის ინციდენტები, რაც ხდება. როდესაც გამოდის ვიღაც ქალი დეპუტატი ოპოზიციიდან და უზრდელობს, გეძახის პუტინისტს, გეძახის კორუმპირებულს და ა. შ. და ვინმეს აქვს ამაზე თუნდაც გადაჭარბებული რეაქცია, თქვენ ორივე მხარე უნდა შეაფასოთ.