6 ოქტომბერს საქართველოს ეროვნულმა ბანკმა სავალუტო ინტერვენციით 44 900 000 აშშ დოლარი გაყიდა, საშუალო შეწონილმა გაცვლითმა კურსმა 2.6716 შეადგინა.
ეს წლის მეხუთე აუქციონია. მას შემდეგ, რაც აშშ-ს სახელმწიფო დეპარტამენტმა ოთარ ფარცხალაძე დაასანქცირა, ეროვნულმა ბანკმა ჯამში 109 650 000 აშშ დოლარი გაყიდა.
- თურნავას საგამონაკლისო ბრძანება ფარცხალაძეზე, სებ-მა სანქციების შესრულების წესი შეცვალა
- ნათია თურნავას სამივე მოადგილე გადადგა
- რეფინანსირების განაკვეთი 10% გახდა – სებ-მა მისი 0.25%-ით შემცირების გადაწყვეტილება მიიღო
"სავალუტო აუქციონის მიზანშეწონილობა განპირობებული იყო მსხვილი ერთჯერადი ტრანზაქციის გაცვლით კურსზე მკვეთრი ზეგავლენის მინიმიზირების მიზნით" - წერია ეროვნული ბანკის ოფიციალურ განცხადებაში.
6 ოქტომბრის მონაცემებით, 1 აშშ დოლარი 2.6783 ლარი ღირს, 1 ევრო - 2.8170. 1 აშშ დოლარის გაცვლითი კურსი კომერციულ ბანკებში 2.7130, ხოლო 1 ევროს ღირებულება 2.8720 ლარია.
