ამერიკელ მილიარდელს, ილონ მასკს მომღერალი გრაიმსი მათ საერთო შვილებზე მეურვეობის უფლების მოპოვებისთვის სასამართლოშ უჩივის. ილონ მასკს და გრაიმსს სამი საერთო შვილი ჰყავთ, პირველი - X AE A-1, ცნობილი, როგორც X 2020 წელს დაიბადა, მეორე შვილი - ევა დარქ სიდარაელი, ცნობილი, როგორც Y 2021 წელს გაჩნდა, ხოლო მესამე შვილის, ტექნო მექანიკუსის დაბადების შესახებ საზოგადოებამ რამდენიმე თვის წინ ილონ მასკის ავტობიოგრაფიული წიგნიდან შეიტყო.
აქამდე გრაიმსმა ილონ მასკს ბრალი დასდო ერთ-ერთ ვაჟთან ურთიერთობის შეზღუდვაში და თქვა, რომ ის ბავშვის ნახვის საშუალებას არ აძლევდა.
"აქამდე მე არ შემეძლო მენახა ბავშვების ფოტოებიც კი, ეს სიტუაცია ჩემს ოჯახს შუაზე ხლეჩს" - დაწერა გრაიმსმა 7 სექტემბერს. შემდგომ გრაიმსმა სოციალურ ქსელში ამ სიტყვების დაწერის გამო მოიბოდიშა და თქვა, რომ სურს მისი შვილების საჯარო ყურადღებისგან დაცვა.
სარჩელი გრაიმსმა სან ფრანცისკოს უზენაეს სასამართლოში შეიტანა და სამარჩლებრივი დეტალები არაა გასაჯაროვებული.
