21 სექტემბრის ღამეს უკრაინის საჰაერო თავდაცვის ძალებმა ოკუპანტების 20 სამიზნე გაანადგურეს. ამის შესახებ ინფორმაცია კიევის საქალაქო სამხედრო ადმინისტრაციის ხელმძღვანელმა, სერგეი პოპკომ გაავრცელა.
"მოწინააღმდეგის კიდევ ერთი სარაკეტო შეტევა კიევზე. მანამდე კი Tu-95MS-ის ტიპის დაახლოებით 10 სტრატეგიული თვითმფრინავი Kh-101/555/55-ის ტიპის ფრთოსან რაკეტებს ისროდა.
საჰაერო თავდაცვის ძალებმა გაანადგურეს მტრის 20-ზე მეტი სამიზნე. (ჩამოგდებული საჰაერო სამიზნეების რაოდენობისა და ტიპების შესახებ ოფიციალურ ინფორმაციას საჰაერო ძალები გამოაქვეყნებს მონაცემების შედგენის შემდეგ)". - წერს პოპკო.
მისი თქმით, რაკეტების ჩამოგდების შედეგად დედაქალაქის რამდენიმე უბანში ნამსხვრევები ჩამოვარდა. ამასთან, კიევში გამოცხადებული განგაში 2 საათზე მეტ ხანს გაგრძელდა.