ბრაზილიაში თვითმფრინავის ჩამოვარდნის შედეგად 14 ადამიანი დაიღუპა.
ამაზონის სახელმწიფოს უსაფრთხოების მდივანმა, ვინისიუს ალმეიდამ თქმა, რომ მცირე პროპელური თვითმფრინავი, თავისი მოგზაურობის დასასრულს უახლოვდებოდა, როდესაც დაბალი ხილვადობისა და წვიმის დროს ამაზონის შტატის დედაქალაქსა და ბარსელოსს შორის შორეულ ჯუნგლებში ჩამოვარდა.
ოფიციალური პირების თქმით, დაღუპულია ბორტზე მყოფი თორმეტივე მგზავრი და ეკიპაჟის ორი წევრი. მომხდარის შესახებ გამოძიება დაწყებულია.
ბრაზილიური მედიის ინფორმაციით, თვითმფრინავი ბრაზილიური თვითმფრინავების მწარმოებელი Embraer-ის მიერ იყო დამზადებული. მათივე ცნობით, თვითმფრინავის მფლობელის, მანაუს აეროტაქსის თქმით, თვითმფრინავი და მისი ეკიპაჟი ფრენისას ყველა საჭირო მოთხოვნას აკმაყოფილებდა.
ბერსელოსის მერის, ედსონ დე პაულას თქმით, თვითმფრინავი ადგილობრივად მომუშავე ბიზნესმენის მიერ იყო დაქირავებული.
როგორც ოფიციალური პირები ამბობენ, დაღუპულები იდენტიფიცირებისათვის მანაუსში არიან გადასვენებული.