ღარიბაშვილი: საქართველო ძლიერდება, ვითარდება და მდიდრდება

ბიზნეს სექტორში ძალიან მაღალი აქტივობაა. მაგალითისთვის, გეტყვით, რომ მე-2 კვარტალში ბიზნეს სექტორის ბრუნვა 15%-ით გაიზარდა და 48 მილიარდი ლარი შეადგინა. ჯამურად, ორ კვარტალში კი მთელი ბიზნეს სექტორის ბრუნვა 92 მილიარდ ლარს გადასცდა [...] ასევე, ქვეყანაში უმუშევრობისა და სიღარიბის დონე ისტორიულ მინიმუმზეა ჩამოსული, ქვეყნის ეროვნული რეზერვები კი ისტორიულ მაქსიმუმზეა და 5.5 მილიარდ დოლარს შეადგენს. ეს იმას ნიშნავს, რომ ქვეყანა ძლიერდება, ვითარდება და მდიდრდება. ეს შემთხვევით არ მომხდარა, ეს ჩვენი სწორი პოლიტიკის შედეგია. ამ ტემპებს კი შენარჩუნება და კიდევ უფრო მეტად გაძლიერება სჭირდება.