30 აგვისტოს დილით უკრაინის საჰაერო თავდაცვის სისტემებმა კიევის საჰაერო სივრცეში 20-ზე მეტი რუსული სამიზნე გაანადგურა. ამის შესახებ ინფორმაციას კიევის საქალაქო სამხედრო ადმინისტრაციის უფროსი, სერგი პოპკო ავრცელებს.
"ღამის საჰაერო თავდასხმა. კიევს გაზაფხულის შემდეგ ასეთი ძლიერი შეტევა არ განუცდია. მტერმა დაიწყო ფართომასშტაბიანი და კომბინირებული შეტევა თვითმფრინავების და რაკეტების გამოყენებით". - აღნიშნავს პოპკო.
რუსებმა შეტევისთვის, სავარაუდოდ, შაჰედის ტიპის დრონები გამოიყენეს.
საერთო ჯამში, უკრაინის საჰაერო თავდაცვის ძალებმა 20-ზე მეტი რუსული სამიზნე გაანადგურეს.
გარდა ამისა, შემთხვევის შედეგად რამდენიმე ადამიანი დაიღუპა.