გაუგებარი მოქმედება ჩაატარეს პოლონელმა ექიმებმა. მანამდე ბევრი ინფორმაცია გავრცელდა, თქვეს რომ კონფიდენციალური იყო და სამარცხვინო ფაქტი მოხდა, მალულად, ჩუმად გამოიტანეს ნიმუშები, რომლებიც აიღეს პატიმარი სააკაშვილისგან. ეს რა თქმა უნდა, ბევრ კითხვებს აჩენს. თავად მოახდინეს ამ პროცესის დისკრედიტაცია და რა თქმა უნდა ყოველგვარი სანდოობა დაიკარგა. სწორედ ამიტომ, ჩვენ გადავხედავთ ჩვენ მიდგომას, მიუხედავად იმისა, რომ ჩვენ ვთქვით, მხოლოდ ოჯახის ჩართულობით უნდა მომხდარიყო ექიმების ჩამოყვანა, პოლონელების ჩართულობაც დაფიქსირდა, თუმცა, ჩვენ თვალი დავხუჭეთ. მე ვთქვი, რომ პოლონეთში არის პოლიტიკური კამპანია და როგორც ჩანს სააკაშვილის მეგობრები აქტიურად არიან ჩართული ამ კამპანიაში და ამ საკითხს შიდა პოლიტიკური დღისწესრიგისთვის იყენებენ. ეს არის რეალობა. ჩვენ ჟესტი გამოვხატეთ, მაგრამ ვინაიდან მათგან იყო ასეთი არაორდინალური ქცევა დაფიქსირებული, ამიტომ, ჩვენ არანაირი სურვილი აღარ გვაქვს, რომ გავაგრძელოთ თანამშრომლობა. ჩვენი შეთავაზება ძალაში რჩება ოჯახის მიმართ, თუ მაინც და მაინც უნდათ მკურნალობა, ადგილზე ჩამოიყვანონ, უმკურნალონ და რაც უნდათ ის გაუკეთონ.
მიხეილ სააკაშვილი
ღარიბაშვილი: თუ სააკაშვილის მკურნალობა სურთ, ჩამოიყვანოს ოჯახმა ექიმი და აქ უმკურნალოს
