რუსეთის საინფორმაციო ტექნოლოგიების და მასობრივი კომუნიკაციების ზედამხედველობის ფედერალურმა სამსახურმა (Роскомнадзор) ვაგნერის ჯგუფის დამფუძნებლის, ევგენი პრიგოჟინის სახელთან დაკავშირებული მედია საშუალებები დაბლოკა. მედიაში პრიგოჟინის "ტროლების ქარხნის" დაშლაზე წერენ.
Интерфакс-ის ცნობით, პრიგოჟინის მედია ჰოლდინგში (Патриот) შემავალი გამოცემები, როგორებიცაა: РИА ФАН, Политика Сегодня, Экономика Сегодня, Невские новости და Народные новости, Роскомнадзор-ის მიერ დაბლოკილ ვებგვერდებს შორის მოხვდნენ. ამ დროისთვის უცნობია, ვისი ბრძანებით დაბლოკეს საიტები.
ტელეგრამ-არხი Ротонда იუწყება, რომ პრიგოჟინმა დახურა Патриот-ის მედია ჰოლდინგი, მათ შორის თავისი "ტროლების ქარხანაც".
Meduza-ს ინფორმაციით, ევგენი პრიგოჟინმა მედია ჰოლდინგის ხელმძღვანელობას განუცხადა, რომ Патриот-ი საჯარო სივრცეს ტოვებს. ტელეგრამ-არხი Рыбарь-ი წერს, რომ მედიის თანამშრომლები სამსახურიდან დაითხოვეს.
